Galeri

Apakah Saudari Parampuan Minang?

Seandainya saja seseorang wanita ditanya, “apakah saudari Parampuan Minang?” Mungkin wanita itu akan menjawab “Ya”. Kemudian jika ditanya kembali, tahukah saudari apa yang dimaksud “Parampuan” Minang?. Jawabnaya belum tentu tau, kenapa begitu? Karena seorang wanita atau “Bundo Kanduang” di Ranah Minang punya penampilan sikap mulia dan luhur menurut “ Adat Basandi Sarak, Sarak Basandi Kitabullah”

Seperti yang dikatakan dalam pembuka tulisan ini, bahwa tulisan ini bukanlah bermaksud menggurui, bukan pula manyikok kada ( membuka aib ) sebagian wanita, akan tetapi Lupu lupo Maningekkan ( kalau lupa mengingatkan ). Berdasarkan kepada adat istiadat dalam Minangkabau, wanita dilakukan penggolongannya atas penampilan tingkah lakunya. Ada wanita yang disebut simarewan, mambang tali awan, dan adapula yang dikatakan parampuan. Apa sebenarnya maksud simarewan, mambang tali awan, dan parampuan itu ?.

1. Simarewan.
Dalam sebuah kata-kata pepatah Minangkabau disebutkan sebagai berikut :

Bapaham bak gatah caia,
Iko elok entan katuju.
Bah pimpiang tumbuh di lereng,
Sarupo bana jo pucuak aru.
Kamano angin kasitu rabah,
Alun dijujai, iyolah galak,
Alun diimba, iyolah tibo.

Nan bak balam talampau jinak,
Umpamo caciang kapanehan.
Suko mamtuik baying-bayang,
Acok tagak di tapi labuah.
Tagisia labiah bak kanai,
Tasingguang labiah bak kanai.

Nyampang bagaua jo laki-laki,
Banyak galak dari kecek.
Banyak kucicak jo kucindam,
Malu jo sopan tak bapakai,
Taratik ilang antah kamano.
Ereng jo gendeng tak paguno.

Babaju ibaraik payuang tangga kasau,
Suko baktao-kato cabua,
Pangana condong ka kida,
Galak bak danga gunuang runtuah, tapuang jo sadah tak babedo.

Suko manyingguang kada urang,
Mangali-ngali najih dilubang.
Hati busuak pikiran hariang,
Muluik kasa kecek manggadang.
ibu jo bapak tak punyo turuik.
Niniak jo mamak tak punyo paduli.
Urang dipanjang sarok sajo.

Korong jo kampuang nan tak jaleh,
Adat nan indak barisi,
Limbago nan tak batuang.
Imbau nan indak basahuti,
Panggia nan indak naturuti.
Suruah Tuhan tak nyo karajoan,
Durhako pado ibu jo bapak,
Talabiah ka nan tuo.

2. Mambang Tali Awan.
Dalam sebuah kata-kata pepatah Minangkabau disebutkan sebagai berikut :

Iyolah padusi tinggi hati,
Mengecek sagalo labiah dari urang,
Tasambia juo apak si buyuang,
Basabuik pula apak si upiak,
Baik tantang pambalian,
Tamasuak gaji gadang laki awak.

Siang jo malam jaranga dirumah,
Naik janjang turun janjang.
Suko mangecek jo maota,
Buruak urang apa dimuluiknyo.
Gilo mabandiang-bandiang urang,
Lupo mnayilau diri surang.

Nyampang inyo gadih matah,
Suko duduak di tapi jalan,
Acok tagak disimpang rami.
Kok bajalan ibaraik kacang di abuih ciek,
Batareh tampak kalua,
Karajo parampaun nyo tak tau,
Batanak acok badatuih,
Manyamba tak bagaram,
Kok mangguntiang mangusuik banang,
Kok manjaik jauh sakali.

Kok tumbuah mandi katapian,
Mambincang-bincang rang sakampuang,
Mampakatokan rang sarumah,
Suko mangusuik din nan salasai,
Suko mangaruah din nan janiah.

Malu jo sopan jauah sakali,
Duduak tagak karajo sumbang,
Manyusah pandangan urang banyak,
Suko bagaduah dalam rumah,
Acok bacakak jo urang kampuang,
Asuang pitanah jadi pakaian,
Dangki khianaik lah parangai,
Aka buruak pikiran salah.

Gilo dimabuak angan-angan,
Malukih diawang-awang,
Manggamba di ateh aia,
Tasingguang urang jadi miyangnyo,
Taguncang urang jadi rabehnyo.

Capek kaki tapi panaruang,
Ringan tangan tapi pamacah,
Selalu ragu dinan saketek,
Acok lupo din an sabanta,

3. Parampuan.
Dalam sebuah kata-kata pepatah Minangkabau disebutkan sebagai berikut :

Adopun nan di sabuik parampuan,
Mamakai taratik jo sopan santun,
Mamaki baso jo basi,
Tahu di ereng jo gendeng,
Raso pareso tak nyo lupo,
Jauh dari sumbang salha,
Manaruah malu kama pai,

Muluik manih baso katuju,
Kato baiak kucindam murah,
Rasi di bibia tapi cawan,
Pandai bagaua samo gadang,
Hormaik kapado ibu bapak,
Santun kapado nan tuo-tuo,
Sayang kapado di nan ketek,
Samo gadang baok bakawan,

Mamakai malu kapado laki-laki,
Tajuik kapado Allah,
Manuruik parentah Rasul.

Tahu di korong kampuang,
Tahu diruma dengan tango,
Pandai manyuri mangulindan,
Takuik di budi katajua.
Tahu dengan mungkin jo patuik,
Malatakkan sasuatu ko tampeknyo,
Malu dipaham nan katagadai,
Baying-bayang sapanjang badan.

Parangai dapek ditauladani,
Kecek maleleh dapek dipalik,
Manitiak buliah ditampung,
Setetes dapek dilauikkan,
sakapa dapek digununangkan,
iyo dek urang di nagari.

Dari kata-kata pepatah adat diatas, pasti kita semua pembaca dapat mengerti kemana arah kata-kata itu pada wanita Simarewan, kemudian Mambang Tali Awan, dan Parampuan.
Nah, dengan kemampuan kita membaca dari apa yang tersurat diatas, insya Allah kita akan berupaya sedapat-dapat mungkin untuk menjadi Parampuan. Atau paling tidak, kita dapat menghindari perilaku para wanita yang tergolong si marewan dan mambang tali awan.

Sumber : Majalah Dinas Kanwil Depag Sumbar/Penuntun Amal Bakti/Edisi Oktober 1998, hal 31-32

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s